Semana do Libro de Compostela 2018
Praza da Quintana, do 1 ao 10 de xuño

O Concello de Santiago de Compostela organiza a Semana do Libro de Compostela coa intención de amosar o potencial editorial e literario da nosa cidade. Durante a primeira semana de xuño unha carpa instalada na Praza da Quintana albergará as propostas dos axentes do sector, que así o soliciten, xunto cunha axenda programática que procurará transcender o expositivo para xerar propostas que sirvan de impulso para as iniciativas e proxectos colectivos que alí se xesten.

Quen pode participar

Poden participar as librarías e editoras de Galicia ainda que terán prioridade as de Santiago de Compostela.

Condicións de participación

A participación é gratuita. As editoras e librarías de Santiago de Compostela poderán realizar venda de libros ao público. As editoras de fóra de Santiago deberán facer a venda a través dunha das librarías de Santiago presentes na SELIC.

Fondos expostos

  • É obxectivo fundamental da SELIC aportar a maior diversidade posible aos espazos expositivos bibliográficos polo que se solicitará dos participantes a súa definición na ficha de inscrición. No caso de coincidencias solicitarase das editoras e librarías a coordinación para evitar as redundancias.
  • A temática dos fondos expostos será o principal criterio para a selección das entidades participantes xunto coa procedencia.

Editoras

As editoras deberanse limitar a expor os seus propios fondos ou aqueles procedentes de fóra do ámbito galego que garden especial relación coa súa liña editorial.

Librarías

  • As librarías non especializadas deberán expor como mínimo un 50% de libro galego.
  • As librarías especializadas están exentas do mínimo de libro galego.

Programación

As editoras e librarías participantes poderán, de maneira voluntaria, propor actividades (presentacións, obradoiros, grupos de traballo, expocións, etc) para a elaboración da programación xeral da SELIC, que en ningún caso recibirán retribución algunha por parte do Concello de Santiago de Compostela. A responsabilidade da celebración da actividade e da súa execución correrá a cargo de quen a propón, limitándose o Concello de Santiago a dispoñibilizar o lugar de celebración coas condicións infraestruturais que sexan precisas.

Espazos

A SELIC contará con espazos diferenciados para desenvolver as seguintes actividades: exposición de libros, presentacións, grupos de traballo e actividades infantís.

As entidades participantes contarán cun espazo individual de exposición dentro dun espazo maior compartido con outras duas ou tres entidades que permita a coordinación para a atención ao público.

Actividades

Haberá cinco tipos de actividades principais:

  • Grupos de traballo.
  • Presentacións.
  • Actividades infantís.
  • Obradoiros e rutas.
  • Sesións musicais.

As entidades participantes poderán propor as actividades que estimen pertinentes e será o Concello de Santiago quen elabore a axenda final en función das actividades propostas e da disponibilidade espacial e temporal para a súa celebración.

Horarios

Os horarios de apertura serán os seguintes:

  • VENRES 1: de 17 a 21 h.
  • SÁBADO 2: de 11 a 21 h.
  • DOMINGO 3: de 11 a 21 h.
  • LUNS 4: de 17 a 21 h.
  • MARTES 5: de 17 a 21 h.
  • MÉRCORES 6: de 17 a 21 h.
  • XOVES 7: de 17 a 21 h.
  • VENRES 8: de 17 a 21 h.
  • SÁBADO 9: de 11 a 21 h.
  • DOMINGO 10: de 11 a 21 h.

OFF SELIC

Unha vez a carpa peche as súas portas celebraremos o venres 1, sábado 2, venres 8 e sábado 9 un espectáculo cada día na propia Praza aproveitando a carpa como fondo e as escaleiras da Quintana como auditorio natural. Será ás 21.30 h.

31/05/2018

01/06/2018

02/06/2018

03/06/2018

04/06/2018

05/06/2018

06/06/2018

07/06/2018

08/06/2018

09/06/2018

10/06/2018

A MESA POLA NORMALIZACIÓN LINGÜÍSTICA

A Mesa pola Normalización Lingüística é unha plataforma independente, plural e apartidaria que ten como único obxectivo a promoción do uso do galego en todos os ámbitos da vida social propios de calquera idioma. O seu papel é o de emprender iniciativas que sensibilicen a poboación e que abran novas vías de uso do noso idioma en distintos ámbitos, así como denunciar todo tipo de agresións e discriminacións que poida sufrir a lingua galega e asegurar que se respete o seu uso individual e colectivo.

Enderezo electrónico

amesa@amesa.gal

ACENTRAL FOLQUE

Libros e discos sobre PATRIMONIO MUSICAL GALEGO e creadores musicais galegos contemporáneos.

Enderezo Electrónico

ALVARELLOS EDITORA

Fondo propio cunha selección de 70 titulos do noso catálogo. Novidades e clásicos. Ensaio, fotografía, guías, poesía... Un apartado especial para libros sobre Compostela e presentación da nova Colección Verdemar de literatura infantil e xuvenil.

Hai 130 títulos no catálogo vivo actualmente.

Enderezo Electrónico

editor@alvarellos.info 

ATRAVÉS EDITORA

O próprio nome da editora indica umha vontade de ultrapassar a fronteira política, e muitas vezes mental, que separa a Galiza do resto da Lusofonia. Para nós, a aproximaçom da Galiza e os países de expressom portuguesa é a demonstraçom da via reintegracionista como válida para marcar um padrom galego atual e útil que permita aprofundar num verdadeiro processo de normalizaçom lingüística.

O nosso objetivo editorial centra-se na potencialidade da filosofia reintegracionista como saída viável para a recuperaçom e normalizaçom da língua galega na Galiza. Partindo desta focagem Através|Editora publica em galego internacional para os mercados de Portugal e Galiza, e se existir a possibilidade para o Brasil e os PALOP’s.

Enderezo Electrónico

AUGA EDITORA

Literatura Infantil e Xuvenil, divulgación, literatura. 

O fondo editorial de Auga conta con títulos de divulgación de grande éxito, como A ciencia no punto de Mira (Jorge Mira), Vine, vi y…hablé! (María Xosé Porteiro), Mi cabeza me hace trampas (Carlos Mañas) ou Tratamientos naturales de urgencia (Javier Akerman) entre moitos.

Nos clásicos destacan as edicións de luxo de Longa noite de pedra (Celso Emilio Ferreiro), Federica no era tonta (Eugenio Granell) e La Casa de la Troya (Pérez Lugín). Esta última tamén conta con versión de peto.

As novidades de Auga en 2017 son os contos ilustrados, para idades de 7 a 12 anos, Onde vai Carlos? – sobre a literatura infantil e xuvenil de Carlos Casares - Miguel, una cabrita y un sueño – no 75 aniversario da morte de Miguel Hernández – e Telma, Leire y los conejos mágicos, de X. A. Perozo, na colección Contar X Contar. Ao longo do ano incorporaranse a esta colección traballos de María Lado e Francisco López-Barxas, entre outros.
Como parceira do Premio Antón Risco de literatura fantástica, Auga comeza neste ano a colección de Novela Fantástica Pentalfa coa tradución ao castelán de Querido H.P. Lovecraft, de Antonio M. Fraga, obra gañadora da I Edición.

Enderezo Electrónico

 

DARDO

Arte contemporánea, arquitectura, deseño.
DARDO é unha editorial especializada en arte contemporánea que expandiu o seu campo de cobertura á arquitectura e o deseño, a partir de libros e revistas que analizan as súas diferentes correntes e manifestacións editando libros sobre artistas, publicacións de carácter teórico ou de análise crítica do panorama actual, baseados en exposicións realizadas nos principais museos e centros de arte.

DARDO leva once anos editando a DARDOmagazine, unha revista especializada en arte contemporánea, arquitectura e deseño, editada en español e portugués, que acaba de ser merecedora de dous dos máis importantes premios de deseño, un nacional, o Anuaria de Oro á mellor publicación periódica, e tamén unha mención internacional dos premios CLAP á mellor publicación periódica.

Dentro da liña de DARDO sempre se prestou especial atención á arte galega, axudando a visibilidade dos nosos artistas no panorama internacional e traballando con eles en multitude de proxectos.

DARDO ven de inaugurar DIDAC, unha Fundación dedicada á difusión das artes e o deseño contemporáneos, desde a que esperamos difundir o traballo de moitos creadores e desde a que traballamos coas nosas publicacións e tamén as de institucións como o MAC de A Coruña, e unha serie de publicacións periódicas internacionais difíciles de atopar no noso territorio.

Enderezo Electrónico

DINASTÍA MEIJI

Libros autoeditados: novelas, crónica deportiva, cadernos de viaxe, libro ilustrado, mapa ilustrado.

Enderezo Electrónico

carlosgmeixide@gmail.com

EDICIÓNS POSITIVAS

Fondo editorial de EDICIÓNS POSITIVAS (Poesía, narrativa e ensaio). Son os chamados libros “positivos”, que teñen o seu aquel.

Enderezo Electrónico

EDITORIAL GALAXIA

Editora cun amplo fondo xeral editado en galego coas seguintes coleccións:

  • Literaria (Literatura adulta).
  • Costa Oeste (Literatura xuvenil).
  • Árbore (Literatura infantil).
  • Dombate (poesía).
  • Soárbore (Album ilustrado con cd de música infantil).
  • Ensaio.
  • Memoria (memoria histórica).

Enderezo Electrónico

EDITORIAL HUGIN E MUNIN

Editorial especializada na publicación de narrativa en tradución ao galego. Fondos propios: preto de 60 títulos de literatura estranxeira traducida ao galego.

Enderezo Electrónico

 

EL PATITO EDITORIAL

Empresa creativa dedicada ao deseño, publicidade, audiovisual e editorial.

Enderezo electrónico

info@elpatitoeditorial.com

HÉRCULES DE EDICIONES

Hércules de Ediciones es la principal de las tres empresas editoriales y una fundación cultural que conforman el Grupo Hércules Global. La empresa nace en A Coruña en 1985 con la pretensión de impulsar la cultura gallega a través de grandes obras de divulgación desde el rigor y la calidad.

Ya en pleno siglo XXI, Hércules emprende nuevos retos y expande su radio de acción a través de dos vertientes editoriales: por un lado, el "libro-objeto" de gran formato, con una esmerada parte gráfica y cuidadísimas ediciones. Por otro, la edición de libros de temas de actualidad y literatura infantil y juvenil.

Enderezo electrónico

info@herculesediciones.es

IRMÁS CARTONÉ

Irmás Cartone é unha pequena editora independente dedicada á tradución ao galego de clásicos da literatura universal, entendendo por clásicas aquelas obras que, máis alá das vendas e a difusión, supuxeron un punto de inflexión na literatura.

Enderezo Electrónico

ORFEU NEGRO

Orfeu Negro adícase á edición de ensaios e outros traballos documentais no ámbito das artes contemporáneas, privilexiando a transversalidade do pensamento artístico nos territorios da danza, o teatro, o cine, a fotografía, a música, a arquitectura e as artes visuais.

Enderezo electrónico

info@orfeunegro.org

REVISTA CORALIA

Coralia presenta a actualidade desde unha perspectiva absolutamente contemporánea, con contidos e estética de calidade. A versión impresa ten unha periodicidade trimestral e contidos íntegros en galego.

Enderezo electrónico

info@coralia.gal

TANDAIA

Dende a súa orixe en 2014, Tandaia ten perfectamente claro o seu obxectivo: dar unha oportunidade a quen, mostrando calidade, outras editoriais néganlla. Seguindo esta liña, en tres anos e medio contamos cunha colección de ensaio, e con catro de ficción dirixidas a distintos xéneros: dende a novela histórica ata a literatura xuvenil, pasando polo noir ou o alt-lit.

Neste momento, mantendo o noso espírito inicial, Tandaia ábrese a novos mercados sen perder de vista o obxectivo de buscar novos valores, contando con presenza en Latinoamérica e cos nosos libros en formato dixital nas distintas plataformas de venda de ebooks.

Enderezo Electrónico

TEÓFILO EDICIÓNS

Poesía, fotografía, novela, deportes e manual teórico militar. Estatutos de autonomía, Libro das abandonadas, Constituciones españolas, Noites en Compostela, Santiago meu amor, La leyenda del santo culto, Santiago branco e negro, Memorias dun tempo, La berenguela, Galicia olímpica, Olvidando el pasado, A arte da guerra, 800 instantáneas, Bágoas na brétema…

Enderezo electrónico

teofilo@teofilocomunicacion.com

TRAFICANTES DE SUEÑOS

"Traficantes de Sueños" é un proxecto de producción e comunicación política que aspira a aportar contidos e animar debates útiles para a acción colectiva transformadora. Tamén é un proxecto de economía social, unha entidade sen ánimo de lucro e sen xefes, implicada no mercado social e no desenrolo de outra economía.

A librería está especializada en ensaio crítico para os movementos sociais e narrativas de outros mundos; é "asociativa" porque ten socios que se comprometen a facer un gasto mensual a cambio dun desconto. A editorial publica textos de fondo e de coxuntura con licenzas Creative Commons que permiten a libre copia e descarga; tamén se desenrola grazas aos sucritores, que por unha cota anual reciben todas as novidades e outros servizos. A distribuidora trae libros de outras partes do mundo e move textos de pequenas editoriais alternativas. O taller xenera deseños e materiais, sobre todo para outros proxectos da economía social. O proxecto "Nociones Comunes" abreu un espazo de autoformación e discusión sobre diversas temáticas imprescindible nos nosos días.

Enderezo electrónico

info@traficantes.net

URCO EDITORA

Urco Editora está especializada na publicación literatura fantástica, de ciencia ficción e de terror. Ben sexa a través de obras senlleiras da literatura universal traducidas á nosa lingua ou ben con obras galegas para lectorado de todas as idades.

Alén das coleccións Tradución, Alcaián, Xuvenil e infantil nas que edita estes xéneros, Urco Editora acolle a colección Mulleres Bravas da nosa historia, libros para crianzas sobre mulleres galegas contadas sempre desde unha perspectiva de xénero.

Enderezo electrónico

info@urcoeditora.com

 

USC, SERVIZO DE PUBLICACIÓNS

Aínda que a actividade editorial da Universidade de Santiago de Compostela remóntase ao século XVII, na súa configuración actual o Servizo de Publicacións e Intercambio Científico da Universidade de Santiago de Compostela (SPIC) foi fundado en 1945.

O SPIC edita, distribúe e intercambia libros, monografías e teses de doutoramento que son resultado da investigación dos profesores e investigadores de toda a universidade así como revistas científicas de diferentes áreas de coñecemento.