Novas

08/06/2018
Comezo 9 xuño, 2018

A II Semana do Libro de Compostela retoma este sábado o horario estendido de 11:00 a 21:00 horas. Coa apertura das portas da carpa da Quintana, arranca a sesión do Club de Lectura Aberto arredor de Culpable, o poemario polo que a escritora ordense Eli Ríos gañou o Premio López Abrente de poesía.

07/06/2018
Comezo 8 xuño, 2018

A II Semana do Libro de Compostela intensifica o seu programa de actividades ás portas da recta final. Malia que este venres se mantén o horario de atención ao público no interior da carpa, de 17.00 a 21.00 horas, as propostas multiplícanse no seu exterior e esténdense no tempo cunha nova sesión do OFF SELIC. Entre as actividades previstas para a oitava xornada da feira, destaca o encontro co poeta asturiano Antonio Gamoneda, que visita Compostela co gallo de inaugurar un novo paso do Xardín das Pedras que Falan.

06/06/2018
Comezo 7 xuño, 2018

Este xoves, a carpa literaria da Quintana volverá abrir as súas portas ás 17:00 horas para tentar á veciñanza e aos/ás visitantes de Compostela coas novidades editoriais galegas e con múltiples actividades paralelas que transcenden o modelo tradicional de feira. Nesta sétima xornada, a Mesa pola Normalización Lingüística chega ao Espazo Efémero da SELIC para dar a coñecer as súas publicacións, iniciativas e proxectos na a promoción e defensa do uso do galego.

05/06/2018
Preséntanse a colección "Liñas Paralelas", a segunda entrega dos libros da SELIC
Comezo 5 xuño, 2018

A concelleira de Acción Cultural, Branca Novoneyra, presentou esta mañá en rolda de prensa a colección de contos Liñas Paralelas, que este ano pasa a engrosar o catálogo de publicacións editadas baixo o selo SELIC. Fíxoo na compaña do escritor, actor e tradutor Pepe Sendón, responsable da iniciativa de espallamento literario da que a colección toma o seu nome.

04/06/2018
Seguen as presentacións e os obradoiros nunha nova xornada da SELIC
Comezo 5 xuño, 2018

A II Semana do Libro de Compostela abre a axenda do martes coa presentación dunha nova serie de libros editados especialmente para o ocasión e baixo o selo da feira. O Espazo Efémero da carpa instalada na Quintana é o lugar elixido para dar a coñecer seis novos volumes que se artellan arredor do proxecto literario Liñas Paralelas, de Pepe Sendón, e que toman del o seu nome.

03/06/2018
O festival literario Correntes d’Escritas chega á SELIC
Comezo 4 xuño, 2018

Na súa cuarta xornada, a II Semana do Libro de Compostela recupera o horario reducido de 17.00 horas a 21.00 horas.

02/06/2018
Comezo 3 xuño, 2018

A II Semana do Libro de Compostela chega este domingo á súa terceira xornada e faino cun horario ininterrompido de 11:00 a 21:00 horas, no que se inclúen numerosas actividades paralelas.

01/06/2018
Comezo 3 de Xuño, 2018

A concelleira de Acción Cultural, Branca Novoneyra, presentou esta mañá en rolda de prensa as actividades coas que a Semana do Libro de Compostela honra a cidade de Póvoa de Varzim. Fíxoo acompañada de Lucinda Delgado, responsable de Turismo da Cámara Municipal de Póvoa.

01/06/2018
Comezo 2 de xuño, 2018

A SELIC amplía o seu programa e horarios na fin de semana. O sábado 2 de xuño, a carpa instalada na Quintana abre as súas portas ás 11:00 horas para abeirar unha intensa xornada chea de actividades para todos os públicos.

31/05/2018
Comeza a II Semana do Libro de Compostela
Comezo 1 xuño, 2018

Do venres 1 ao domingo 10 de xuño, a praza da Quintana acollerá unha nova edición da Semana do Libro de Compostela, cunha trintena de postos para a exposición das novidades e fondos das librarías e editoriais galegas e múltiples actividades complementarias para todos os públicos.