Semana do Libro de Compostela 2019
Praza da Quintana, do 7 ao 16 de xuño

O Concello de Santiago de Compostela organiza a terceira Semana do Libro de Compostela coa intención de amosar o potencial editorial e literario da nosa cidade. Unha carpa instalada na Praza da Quintana albergará as propostas dos axentes do sector que así o soliciten. A participación poderá ser compartindo espazo e a tempo parcial para aquelas entidades que así o desexen ou ben por un só día no ‘espazo efémero’.

Quen pode participar

Poden participar as librarías, editoras, asociacións e proxectos ligados ao libro que teñan sede en Galicia. No caso das editoras e librarías terán prioridade as de Santiago de Compostela e a súa comarca.

Como participar

Deberase enviar formulario de solicitude de participación ao correo electrónico proxectoscultura@santiagodecompostela.gal entre o 15 e o 31 de marzo de 2019.

Condicións de participación

A participación é gratuita. As editoras e librarías de Santiago de Compostela poderán realizar venda de libros ao público. As editoras de fóra de Santiago deberán facer a venda a través dunha das librarías de Santiago presentes na SELIC.

Fondos expostos

É obxectivo fundamental da SELIC aportar a maior diversidade posible aos espazos expositivos bibliográficos polo que se solicitará dos participantes a súa definición na ficha de inscrición. No caso de coincidencias solicitarase das editoras e librarías a coordinación para evitar, na medida do posible, as redundancias.

A temática dos fondos expostos será o principal criterio para a selección das entidades participantes xunto coa procedencia.

Editoras

As editoras deberanse limitar a expor os seus propios fondos ou aqueles procedentes de fóra do ámbito galego que garden especial relación coa súa liña editorial.

Librarías

As librarías non especializadas deberán expor como mínimo un 50% de libro galego. As librarías especializadas están exentas do mínimo de libro galego.

Espazos e tempos de participación

As entidades participantes poderán contar cun espazo individual de exposición ou compartido, se así o solicitan, que estará agrupado con outros tres para permitir a coordinación para a atención ao público. A participación poderá ser limitada no tempo a un ou varios días segundo o solicitado. Habilitarase un espazo ‘efémero’ para a presentanción de proxectos dun único día de duración.

Programación e actividades

As entidades e persoas que o desexen poderán propor as actividades que estimen pertinentes e será o Concello de Santiago, previa avaliación do grupo de traballo, quen elabore a axenda final en función da disponibilidade espacial e temporal para a súa celebración.

Horarios

  • Luns a venres: de 17:00 a 21:00 h.
  • Sábados e domingos: de 11:00 a 21:00 h.

07/06/2019

08/06/2019

09/06/2019

10/06/2019

18:00 horas

11/06/2019

12/06/2019

13/06/2019

18:00 horas - 20:00 horas
18:00 horas
20:00 horas

14/06/2019

15/06/2019

16/06/2019

A GATA TOLA

Libraría especializada en banda deseñada, novela fantastica e de ciencia ficción.

Correo electrónico

gatatola@gmail.com

libreriasgatatola@gmail.com

AGPTI

Socias e socios da AGPTI que traducen literatura de xéneros diversos (novela, BD, álbum ilustrado...) e temáticas, abranguendo dende a tradución de clásicos ata as novidades do mercado actual.

Correo electrónico

presidencia@agpti.org

Data

Venres 14 de Xuño de 2019

ALITA CÓMICS

Alita cómics é unha libraría especializada en banda deseñada con orixe na Coruña en 2003 e que abriu as súas portas en Santiago no 2014. Poñemos especial énfase en dispor dunha boa selección de novelas gráficas e de obras de autores galegos. Ademais disto o noso catálogo abrangue cómic americano, europeo e manga. Traballamos coas principais editoriais de banda deseñada e a pesar da grande cantidade de novidades que se publican, tamén intentamos facer un oco a libros de menor difusión como poden ser fanzines autoeditados ou obras de pequenas editoriais.

Enderezo electrónico

santiago@alitacomics.com

 

CATRO VENTOS EDITORA

Catro Ventos S. Coop. Galega é unha cooperativa galega sen ánimo de lucro fundada en 2016 en Vigo e dedicada á publicación de obras en galego que cubran algún ou varios dos eixes temáticos seguintes: ecoloxía, consumo responsable, economía social, dereitos humanos, e crianza e educación alternativas. 

Aspiramos a demostrar que principios como a equidade, as condicións xustas de traballo, a sustentabilidade económica e ambiental, a cooperación con outras entidades e o compromiso coa contorna (valores intrínsecos ao cooperativismo) son esenciais para transformar o mundo no que vivimos e avanzar cara a unha sociedade máis xusta. De conformidade con estes principios, a produción completa dos nosos libros faise en Galiza. Ademais, cremos que é esencial facelo en galego, defendendo o uso normalizado da nosa lingua para abordar cuestións de gran relevancia social, económica e ambiental.

O noso catálogo inclúe variedade de xéneros, desde narrativa e manuais prácticos, até ensaio e álbum ilustrado, e está conformado na actualidade (abril de 2019) por 13 títulos. Como cooperativa editorial formada por cinco persoas socias que tamén ofrece servizos editoriais (tradución e corrección lingüística, maquetaxe, deseño de portadas etc.), o noso catálogo vai avanzando pouco e pouco, pero con coherencia cos nosos principios e coa seguridade de achegar valores novos ao sistema literario galego. O plan de publicacións para 2019 inclúe catro obras máis nas que estamos traballando actualmente, e para o 2020 contamos cos dereitos de tradución para a publicación de cinco obras do alemán, o inglés e o italiano.

Correo electrónico

patricia@catroventos.gal

Data

Sábado 15 de Xuño de 2019

CHAN DA PÓLVORA

Fondo de poesía en galego, castelán, catalán, asturiano e en linguas estranxeiras.

CrisCrasCrus (Ana B. Triñanes)

CRISCRASCRUS é un proxecto de autoedición da autora Cristina F. Na SELIC formarían parte do noso stand os libros infantís: A flor máis fermosa, Pampaparampán, as láminas en branco e negro Pamparampinta. Tamén formará parte do noso stand o ensaio para adultos O Globo: autismo á décima potencia. E as láminas didácticas inspiradas nos contos de Mala Malona, da mesma autora: 4 caixas didácticas (unha por cada conto: Mala Malona... tiña tal boca, Mala Malona... tiña tal rabo, Mala Malona... tiña tal forza e Mala Malona... era tan negra) que inclúen 11 láminas a cor, 11 láminas en branco e negro para colorear e 10 láminas que combinan números e o texto do conto correscpondente.

Correo electrónico

anatrianes@gmail.com

Data

Domingo 16 de Xuño de 2019

Escondit

Data

Sábado 7 de Xuño de 2019

Domingo 8 de Xuño de 2019

LENDA

Libraría xeneralista establecida en Bertamiráns desde o ano 2006. Fondo galego, infantil e xuvenil, libro ilustrado, narrativa, ensaio, poesía...

Enderezo electrónico

librerialenda@mundo-r.com

LIBRARÍA AENEA

Libraría especializada en benestar e saúde: terapias naturais, alimentación, horta ecolóxica, filosofía e pensamento, temas sociais, etc. Literatura tódalas idades.
A temática especialidade da libraría está representada por distintas editoriais: Fertilidad de la tierra (horta ecolóxica, asociación de cultivos, etc.); Océano Ámbar (terapias naturais, cosmética natural, alimentación); Urano (benestar en xeral e alimentación); Liebre de marzo (psicoloxía e benestar corporal); Trotta / Axóuxere / Milenium (filosofía e pensamento); Umoya (temas sociais / pensamento); RBA / Integral (Alimentación, reflexoloxía). O noso fondo inclúe tamén literatura infantil e xuvenil, novela e álbum ilustrado pertencentes a editoriais como Barbara Fiore, Pastel de Luna, Juventud, FCE, Media Vaca, Kalandraka, Oqo, Fulgencio Pimentel, Barafunda, Palabras Aladas, etc.).

Correo electrónico

aenea@aenea.es

Teléfono de contacto

981 57 25 67

LIBRARÍA LILA DE LILITH

Libraría especializada en literatura feminista, coeducativa e lgtb. Propoñemos bibliografía de mulleres autoras en narrativa, poesía, infantil, banda deseñada, e ensaio desde a perspectiva de xénero.

Correo electrónico

liladelilith@gmail.com

LIBRARÍA PALACIOS

Libraría con fondos de narrativa infantil, xuvenil e adultos.

Enderezo electrónico

palacios_reservas@hotmail.com

LIBRARÍA PEDREIRA

Libraría con fondos de Narrativa, infantil xuvenil, comics, poesia, teatro.....Fondos de Positivas, xerais, galaxia, hercules, kalandraka, urco , oqo, alvarellos, nova galicia, sotelo blanco, apiario , chan da polvora, usc.......... 

Correo electrónico

libraria@librariapedreira.com

NUMAX

Libraría especializada en Cinema, Música, Artes escénicas e Ensaio sobre arte e literatura.

Correo electrónico

libraria@numax.org

OS MUNDOS DE CARLOTA

Un espazo cultural cheo de mundos e historias para todos os públicos.
Contamos cun espazo polivalente onde facemos dende presentacións ata cursos de costura creativa, obradoiros variados, charlas, …

Enderezo electrónico

osmundosdecarlota@gmail.com

Webs

www.facebook.com/mundosdecarlota/

www.instagram.com/osmundosdecarlota/?hl=es

Roteiro virtual da lírica medieval

Data

Venres 7 de Xuño de 2019