Libros / Audiolibros

O Concello de Santiago editou na primeira Semana do Libro de Compostela, no 2017, unha colección de libriños pensados para serviren, dun xeito modesto, de caixa de resonancia para escritores e escritoras relacionados coa cidade. Nesta segunda edición mantén a aposta polo libro e publica novos volumes: seis escolmas temáticas arredor de Liñas Paralelas, proxecto que naceu e medrou en Santiago. Cinco dos libros reúnen relatos escritos ata principios do século XX e traducidos á nosa lingua por Pepe Sendón e un sexto recolle un feixe de contos de autores e autoras galegos de distintas épocas que se desenvolven nas rúas de Santiago.

Ademais do pracer de pasar as páxinas e perderte por estas historias, pódese tamén escoitar a versión audio dalgúns destes relatos aquí:

SELIC 2018

Colección Liñas Paralelas

Contos Composteláns
Ramón Caride Ogando / Salvador García-Bodaño / Marilar Aleixandre / Miguel Anxo Murado / Gonzalo Navaza / Helena Villar Janeiro
Terapias de parella
Anton Chekhov / Kate Chopin / Colette / Guy de Maupassant / Robert Barr / Marcel Proust
Crimes imperfectos
Edgar Allan Poe / Franz Kafka / H. P. Lovecraft / Luigi Capuana / Guillaume Apollinaire
Contos no espello
Hans Christian Andersen / Catulle Mendès / Ramón del Valle-Inclán / Lafcadio Hearn / Nathaniel Hawthorne
Contos macabros
W. F. Harvey / Marcel Schwob / Heinrich von Kleist / Lafcadio Hearn / H. H. Munro (Saki)
Asuntos de defuntos
Ambrose Bierce / T. Crofton Crocker / Guy de Maupassant / Pu Sonling / Ramón del Valle-Inclán / Anton Chekhov

SELIC 2017

O cavaleiro do Monte Pedroso
Carlos Quiroga

O protagonista desta historia, Z, afirma ser quen de escoitar o penedo do cavaleiro do Pedroso. Aínda que o toman por louco, dalgún xeito, o narrador acada a comprender a Z, xa que, indubidablemente, o xigante de pedra “fala” da historia ao ser testemuña e lembranza dos aconteceres dun tempo pasado.

Os últimos indios
Patricia Janeiro

Tras o seu despedimento de Mobles Silva, Manolo, Marcial e Ron argallan roubar os cartos que o seu antigo xefe garda no despacho da fábrica. Tras a morte de Manolo, a súa filla Maxina, Marcial e Ron seguen co plan. Marcial e Maxina logran fuxir da policía. Ron consegue escapar non sen antes explotar a fábrica que fora o seu lugar de traballo e o de tantos outros.Tras o seu despedimento de Mobles Silva, Manolo, Marcial e Ron argallan roubar os cartos que o seu antigo xefe garda no despacho da fábrica. Tras a morte de Manolo, a súa filla Maxina, Marcial e Ron seguen co plan. Marcial e Maxina logran fuxir da policía. Ron consegue escapar non sen antes explotar a fábrica que fora o seu lugar de traballo e o de tantos outros.

Charanga da lúa primeira
Roi Vidal Ponte

Bertiño, un neno de once anos que nace no berce dunha familia humilde, experimenta o seu primeiro gran fracaso ao non poder facer rir á súa irmá de poucos meses. Co gallo de animalo, o narrador, lémbralle as oportunidades que a vida lle brindou facendo eco das súas andaduras pola cidade de Compostela, mais, porén, non se esquece de sinalarlle que tamén terá que aprender a convivir coas cousas que saian mal.

Laxes de Vrins e Hipótese dun achado
Mariña Perez Rei

Laxes de Vrins

No contexto dun enterro primitivo, o narrador desta historia ten unha premonición. A carón da pedra que ergueron como tumba sobre os restos do defunto, o narrador presaxia o futuro que xa está encarnándose nos seus descendentes. E ve como estes, no futuro, erixirán en base á presente tumba construcións máis complexas. A súa visión semella evocar a construción do sepulcro construído arredor do achado dos restos do apóstolo.

Desmontando o mito. 

O relato é un metatexto no que se describen os pasos a seguir para a confección dunha novela  na que se explique o achado dos restos do Apóstolo Santiago, así como o apoxeo cultural que esta descuberta conlevou. Para tal fin, nalgúns dos seus capítulos, a novela reconstruiría documentos ficticios a partir de datos extraídos de documentos existentes, intercalando deste xeito datos reais e veraces coa ficción.

Aquí somos así, positivamente
Suso de Toro

Nano, un home duns corenta e cinco anos, desempregado e amigo do viño, relátalle nun ton coloquial e desenfadado a súa vida a un vendedor de xeados na Alameda. No seu relato, percorre a historia recente da cidade de Santiago en base ás súas propias vivencias e apreciacións persoais.

Cabeleira de Pedra
Xesus Rabade Parede e Helena Villar Janeiro

Esta colección de poemas curtos debuxa un retrato en palabras das escenas cotiás da vida compostelá, plasmando nos seus versos os lugares máis emblemáticos e significativos da cidade de Santiago.